දකුණු ගාසා තීරයේ නසාර් රෝහලට එල්ල වූ ඊශ්‍රායල ගුවන් ප්‍රහාරවලින් පලස්තීන මාධ්‍යවේදීන් පස් දෙනෙකු ජීවිතක්ෂයට

මහේෂ් මුණසිංහ:

දකුණු ගාසා තීරයේ නසාර් රෝහලට එල්ල වූ ඊශ්‍රායල ගුවන් ප්‍රහාරවලින් පලස්තීන මාධ්‍යවේදීන් පස් දෙනෙකු ඇතුළුව අවම වශයෙන් පුද්ගලයින් 20 දෙනෙකු මිය ගොස් තිබේ.

ඊශ්‍රායල ප්‍රහාරයෙන් මියගිය මාධ්‍යවේදීන් රොයිටර් ප්‍රවෘත්ති ඒජන්සියේ (Reuters news agency) ඡායාරූප මාධ්‍යවේදියෙකු වන හුසාම් අල්-මස්රි (Hussam al-Masri); අල් ජසීරා (Al Jazeera) හි ඡායාරූප මාධ්‍යවේදියෙකු වන මොහොමඩ් සලාමා (Mohammad Salama); ඇසෝසියේටඩ් ප්‍රෙස් (Associated Press) සමඟ සේවය කළ නිදහස් මාධ්‍යවේදියෙකු වන මරියම් අබු ඩක්කා (Mariam Abu Daqqa); ඡායාරූප ශිල්පියෙකු වන මෝස් අබු ටහා (Moaz Abu Taha); සහ මිඩ්ල්ඊස්ට් අයි (Middle East Eye) නිදහස් මාධ්‍යවේදියෙකු වන අහමඩ් අබු අසීස් (Ahmad Abu Aziz) ලෙස හඳුනාගෙන ඇත.