මල් ඕනේ ම නෑ සොඳුර
තැනක් ලස්සන වෙන්න
වියළුණු කතරක ද
වටිනා ම පණැති බිජුවක්
ඉතිරි ව තිබිය හැකි ය
පෙරදාක
මුල් වරට අප මුණ ගැහුණු දින
මග වැරදිලා ගිය පටු මග
තවම මම යන එද්දි බලනවා
ඒ දෙස
හරි ලස්සනයි !
ගහක් මලක් මොනවත් ම
එතැන නැතිවට….
මතකද මන්ද
ඒ රහස් මන්දිරය …..?
කොන්ක්රීට් රාමු අතරින් මතු ව
නෙත් අදියි
අද ද යන එන විට
නරඹමි අසිරිය තනි ව
මොන තරම් ලස්සන ද එතැන ….
හිස් බිත්ති හතරකියි
ඉතින්, කිව හැකි ද ?
ජීවිතේ පසු බැලුම් බලමි
ප්රියය,
ඔබ පිටව ගිය අයුරු ය
එහි ලොකු ම පින්තූරය
සියල්ල නිමා වූ තැන ද
හුස්ම ගන්නා යමක්
ඒ තුළ ඉතිරි වී නැතැයි
කිව හැක්කෙ කාට ද?
ඇත්තට ම !
කාටවත් එහෙම කිව හැකි ද ?
ප්රියන්ජලා සෙනවිරත්න-Priyanjala Senevirathne
පින්තූරය- අන්තර්ජාලය
