ඒස්.ජයරත්න

118 වැනි ධර්මරාජ-කිංස්වුඩ් “මෙරූන් මහ සටන ” මෙම මස 4,5,6 තෙදින මහනුවර පල්ළේකැලේ ජාත්‍යන්තර ක්‍රිකට් ක්‍රීඩාංගනයේ දි පැවැත්වේ .
ටි.බි තෙන්නකෝන් අනුස්මරණ කුසලාන වෙනුවෙන් තරග වදින තරගයේ පෙර පැවති තරග අතරින් තරග 37 ක ජය මහනුවර ධර්මරාජ පිළ හිමිකර ගෙන ඇති අතර තරග 19 ක ජය කිංස්වුඩ් පිළ සතුවිය. තරග 61ක් ජය පරාජයෙන් තොරව අවසන් කර ඇත.

ධර්මරාජ කණ්ඩායමේ නායකත්වය මෙවර ශ්‍රී ලංකා යොවුන් කණ්ඩායම නියෝජනය කල පුලිදු පෙරේරා දරණ අතර, කිංස්වුඩ් කණ්ඩායමේ නායකත්වය වර්ණ ලාභි ක්‍රීඩක කවිජ ගමගේ දරනු ලබයි.
ධර්මරාජ විද්‍යාලයේ නායක පුලිදු පෙරේරා හා ලක්වින් අබේසිංහ මෙවර තරග වාරයේදී ලකුණු දහස සම්පුර්ණ කිරිමට සමත් වු අතර දක්ෂිත මනුකල්ප ධර්මරාජ පිළ වෙනුවෙන් කඩුළු 50 සීමාව පසු කිරිමට සමත් විය.

කිංස්වුඩ් නායක කවිජ ගමගේ ලකුණු දහස සම්පුර්ණ කරමින් තරග වාරයේදී කඩුලු 93ලබා ගෙන තිබේ. උපනායක නිකේෂල නානායක්කාර හා චනුල් කොඩිතුවක්කු ලකුණු 500සිමාවට පැමිණ ඇත .පන්දුවෙන් දස්කම් දක්වමින් කේනුල පිහිලිඅංග හා උපාධි ජයවර්ධන කඩුලු 40බැගින් ලබා තිබේ .
ප්‍රතම වරට දින තුනක් පුරා පැවැත්වෙන තරගය සදහා ධර්මරාජ විද්‍යාලයේ වැඩබලන විදුහල්පති මහේෂ් කරුණාරත්න සහ කිංස්වුඩ් විද්‍යාලයේ විදුහල්පති ඩී.එ්. හේරත් යන මහත්වරුන්ගේ මගනේවීම යටතේ සිදු කෙරෙ.
ධර්මරාජ විද්‍යාලයේ දුම්න්ද බණ්ඩාර, කපිල එකනායක යන මහත්වරුන්ගේ කළමණාකාරිත්වය දරණ අතර පුහුණුකරු ලෙස සේනක දිසානායක මහතාකටයුතු කරයි.
තිංස්වුඩ් විද්‍යාලයේ ලක්ෂ්මන් තිලකරත්න හා ඉන්දික තෙන්නකෝන් යන මහත්වරුන්ගේ කළමණාකාරිත්වය දරණ අතර පුහුණුකරු ලෙස එස් බස්නායක මහතා කටයුතු කරයි.