ශ්‍රී ලංකාවෙ අපනයන සදහා ඇමරිකාවෙන් 44% බද්දක්

මහේෂ් මුණසිංහ

ඇමරිකානු ජනාධිපති ඩොනල්ඩ් ට්‍රම්ප් මොහොතකට පෙර ශ්‍රී ලංකාවේ අපනයන සඳහා 44% ක තීරු බද්දක් පැනවීය!
2023-24 වාර්තා අනුව ශ්‍රී ලංකාවේ අපනයනයන්ගෙන් වැඩිම ප්‍රමානයක් වූ 25% කට ආසන්න ප්‍රතිශතයක් ඇමෙරිකාව වෙත සිදු කර ඇති අතර එය ඇ.ඩො. බිලියන 2.75 පමණ වටිනාකමක් වේ.
එහිදී ඇමෙරිකාව යුරෝපා සංගමයේ භාණ්ඩ සඳහා 20% ක්ද චීනය සඳහා 34% ක්ද වන තීරු බදු පනවා ඇත.

මේ වන විට ඉදිරිපත් කර ඇති ලැයිස්තුවේ රුසියාව, මෙක්සිකෝව සහ කැනඩාව සඳහන් නොවීම විශේෂයකි.

එහෙත් පොදුවේ සියලුම ආනයන සඳහා 10% ක තීරු බදු පැනවීමට තීරණය කර ඇත.
එමෙන්ම ඇමරිකා එක්සත් ජනපදය අප්‍රේල් 3 වනදා සිට මගී මෝටර් රථ, සැහැල්ලු ට්‍රක් රථ සහ වාහන අමතර කොටස් ආනයනය සඳහා 25% ක තීරු බදු පනවා ඇත.